“Pax Silica” (Пакс Силика) нь АНУ-ын санаачилсан, дэлхийн өндөр технологийн нийлүүлэлтийн сүлжээг Хятадаас хараат бус, аюулгүй, найдвартай болгох зорилготой олон улсын стратегийн түншлэл юм. Энэхүү санаачилга нь гишүүн орнуудын хооронд хагас дамжуулагч, чухал ашигт малтмал болон электроникийн үйлдвэрлэлийн нэгдсэн экосистем бүрдүүлэхэд чиглэдэг. 2026 оны 4-р сарын 16. Филиппин улс тус санаачилгад албан ёсоор нэгдэж, нийлүүлэлтийн сүлжээг бэхжүүлэх чиглэлээр АНУ-тай стратегийн томоохон хэлэлцээр байгууллаа.

Хамтын ажиллагааны гол чиглэлүүд:

• Лузон эдийн засгийн коридор: АНУ болон Филиппин улс Филиппиний Лузон бүсэд 4,000 акр талбай бүхий аж үйлдвэрийн төв байгуулахаар төвлөрч байна.
• Эдийн засгийн аюулгүй байдлын бүс: Энэхүү бүс нь холбоотон орнуудын нийлүүлэлтийн сүлжээнд шаардлагатай чухал түүхий эд, орц бүтээгдэхүүний үйлдвэрлэлийг дэмжих тусгай платформ болох юм.
• Стратегийн салбарууд: Түншлэлийн хүрээнд хагас дамжуулагч, электроник болон нэн чухал ашигт малтмалын олборлолт, боловсруулалтыг зах зээлийн эрэлтэд нийцүүлэн хөгжүүлнэ.
• Хөрөнгө оруулалт: Хувийн хэвшлийн чанартай хөрөнгө оруулалтыг татах замаар “Pax Silica” сүлжээний хэрэгцээг хангах үйлдвэрлэлийн баазыг байгуулна.

Филиппиний Худалдаа, аж үйлдвэрийн дэд сайд Сеферино С.Родольфо баримт бичигт гарын үсэг зурснаар тус улс уг санаачилгын 14 дэх гишүүн болов. “Pax Silica” сүлжээний гишүүд: Австрали, Финланд, Энэтхэг, Израиль, Япон, Катар, БНСУ, Сингапур, Швед, Арабын Нэгдсэн Эмират Улс, Их Британи, АНУ болон Филиппин. https://ph.usembassy.gov/the-united-states-and-the-philippines-launch-plans-for-4000-acre-economic-security-zone-to-shore-up-supply-chains/