Европын Жижиг, Дунд Үйлдвэрүүдийн Холбоо (SMEunited) болон Европын Комиссоос хэрэгжүүлэхээр төлөвлөж буй Циркуляр Эдийн Засгийн Хууль (Circular Economy Act) нь Европ даяарх хог хаягдал, дахин боловсруулалт, дахин ашиглах материалын дүрэм, зах зээлийг нэг стандарттай болгох замаар бизнесийн орчныг илүү хялбар, үр ашигтай болгоно гэж үзэж байна.

Өөрөөр хэлбэл, улс бүр өөр өөр дүрэмтэй байдлыг халж, Европ даяар нэг стандарттай систем бий болгосноор бизнесүүдэд илүү хялбар, зардал багатай орчин бүрдэнэ. Одоогийн байдлаар Европын орнуудад хог хаягдал, дахин боловсруулалтын дүрэм улс бүрд ялгаатай байдаг. Энэ нь бизнесүүд, ялангуяа жижиг, дунд компаниудад нэмэлт зардал, хүндрэл үүсгэж байна.

Тиймээс шинэ хууль нь зөвхөн байгаль орчны бодлого биш, харин эдийн засаг, бизнесийн өрсөлдөх чадварыг сайжруулах хэрэгсэл юм. Энэ хууль нь Европ даяар нэг стандарттай дүрэм бий болгох, дахин боловсруулах зах зээлийг нэгтгэх, ЖДҮ-үүдийн зах зээлд нэвтрэх боломжийг нэмэгдүүлэх, дахин ашиглах түүхий эдийн эрэлтийг өсгөх зэрэг давуу талтай.

Европын Комисс энэхүү хуулиар дамжуулан нөөцийг илүү үр ашигтай ашиглах, хог хаягдлыг бууруулах, мөн эдийн засгийг илүү тогтвортой болгох зорилготой байна.https://www.smeunited.eu/news/how-the-circular-economy-act-can-participate-in-improving-the-single-market?utm