Энэтхэгийн цэвэр технологийн стартап PadCare Labs нь ариун цэврийн хэрэглэлийн хаягдлыг дахин боловсруулж, эдийн засгийн эргэлтэд оруулдаг инновацын шийдлээрээ 3 сая ам.долларын хөрөнгө оруулалт татжээ.

Тус хөрөнгө оруулалтыг Zerodha компанийн үүсгэн байгуулагчийн хөрөнгө оруулалтын сан болох Rainmatter тэргүүлсэн бөгөөд бусад хөрөнгө оруулагчид мөн оролцсон байна.

PadCare Labs нь ашигласан ариун цэврийн хэрэгслийг (салфетка, живх зэрэг) тусгай технологиор боловсруулж, цаас, хуванцар, үйлдвэрийн түүхий эд болгон дахин ашиглах боломжтой материал болгон хувиргадаг. Ийм төрлийн хог хаягдал нь ихэвчлэн хогийн цэгт булшлагдах эсвэл шатаагддаг бөгөөд байгаль орчинд ноцтой сөрөг нөлөө үзүүлдэг байна.

Шинэ хөрөнгө оруулалтыг дахин боловсруулах хүчин чадлыг нэмэгдүүлэх, шинэ боловсруулах үйлдвэрүүд байгуулах, технологийн судалгаа, хөгжүүлэлтийг эрчимжүүлэх  зэрэг чиглэлд ашиглана.

Мөн ойрын жилүүдэд жилд 2000 тонн хүртэл хаягдал боловсруулах зорилт тавьжээ. PadCare Labs нь зөвхөн бизнес биш хог хаягдлыг бууруулах, эрүүл ахуйн асуудлыг шийдэх болон нүүрстөрөгчийн ялгарлыг багасгах зэрэг нийгэм, байгаль орчны давхар үр өгөөж бий болгож байна.