Египетийн Жижиг, дунд үйлдвэрийг хөгжүүлэх агентлаг (MSMEDA) болон Йорданы ЖДҮ-ийг дэмжих байгууллага (JEDCO) хамтарсан уулзалтуудыг зохион байгуулж, хоёр улсын эдийн засгийн хамтын ажиллагааг бэхжүүлэх асуудлыг хэлэлцлээ.

Тус уулзалтад хөрөнгө оруулалт, үйлдвэрлэл, экспортын чиглэлээр ажилладаг гол байгууллагуудын төлөөлөл оролцсон бөгөөд жижиг, дунд бизнесүүдийг дэмжих, харилцан уялдаа холбоог сайжруулахад анхаарчээ.

Хэлэлцүүлгийн үеэр хоёр тал залуу бизнес эрхлэгчдийг дэмжих, шинэ бизнес байгуулах, өргөжүүлэх боломжийг нэмэгдүүлэх, мөн чөлөөт бүс, үйлдвэрлэлийн зөвшөөрөл, хамтарсан үйлдвэрлэлийн боломжуудыг судлах талаар санал солилцсон байна.

MSMEDA-ийн гүйцэтгэх захирал Бассел Рахми хэлэхдээ, Арабын орнуудын ЖДҮ-ийг дэмжих байгууллагуудтай хамтын ажиллагааг өргөжүүлж, ажлын байр нэмэгдүүлэх, эдийн засгийн өсөлтийг дэмжих зорилготой гэдгийг онцоллоо.

Харин JEDCO-ийн гүйцэтгэх захирлын үүрэг гүйцэтгэгч Дана Аль-Зоуби энэхүү хамтын ажиллагаа нь бүс нутгийн зах зээлд нэвтрэх боломжийг нэмэгдүүлж, экспортын чадавхыг сайжруулахад чухал ач холбогдолтойг тэмдэглэв.

Цаашид талууд хамтарсан үзэсгэлэн зохион байгуулах, бизнесүүдийн сүлжээг өргөжүүлэх, хамтарсан үйлдвэрлэл хөгжүүлэх, мөн татвар, гааль, техникийн шаардлагуудын талаар илүү тодорхой мэдээлэл өгөх чиглэлээр хамтран ажиллахаар төлөвлөж байна.

Эх сурвалж : https://www.dailynewsegypt.com/

-Bassel Rahmi, CEO of MSMEDA–