Нийслэлийн Засаг дарга бөгөөд Улаанбаатар хотын Захирагч Д.Сумъяабазар, МҮХАҮТ-ын дарга Т.Дүүрэн нар өнгөрсөн тавдугаар сард Хамтын ажиллагааны санамж бичиг байгуулсан билээ. Энэ хүрээнд “1000 CEO, 1000 хүчирхэг компани” хөтөлбөрийн хүрээнд жижиг, дунд үйлдвэрлэл, үйлчилгээ эрхлэгчдэд олон улсын сургалт зохион байгуулах ажил эхэлсэн юм.
Уг ажлын хүрээнд Нийслэлийн Засаг даргын дэмжлэгтэйгээр МҮХАҮТ, Нийслэлийн ЖДҮҮ-г дэмжих төв НӨҮГ хамтран “Ковидын дараах бизнесийг эрчимжүүлэх менежментийн хөтөлбөр”-ийг амжилттай хэрэгжүүллээ.
Эхний сургалтын явц
- Сургалт 2024 оны тавдугаар сарын 30-наас зургадугаар сарын 30 хүртэл танхим болон цахим хосолсон хэлбэрээр үргэлжилсэн.
- Эхний элсэлтэд гоо сайхан, хүнсний үйлдвэрлэл, банк, санхүүгийн чиглэлээр үйл ажиллагаа явуулдаг 12 ЖДҮҮ эрхлэгч хамрагдаж, өнөөдөр батламжаа гардан авлаа.
Хөтөлбөрийн ач холбогдол
“Ковидын дараах бизнесийг эрчимжүүлэх менежментийн хөтөлбөр” нь:
- Эдийн засгийн сэргэлтэд хувь нэмэр оруулах
- Бизнес эрхлэгчдээ дэмжих
- Ажлын байр хадгалах зэрэг чухал зорилготой.
Хөтөлбөрийг МҮХАҮТ-ын дэргэдэх Бизнес академи болон туршлагатай менторууд боловсруулсан бөгөөд нэгээс доошгүй жил үйл ажиллагаа явуулсан, сургалтад бүрэн хамрагдах зорилготой ЖДҮҮ эрхлэгчид хамрагдах боломжтой.
Давуу талууд
Сургалтад хамрагдсан оролцогчид:
- Бусад ЖДҮҮ эрхлэгчидтэй хамтран ажиллах
- Менторуудаас тулгамдсан асуудлыг шийдвэрлэх зөвлөгөө авах
- Бизнесээ өргөжүүлэх нарийвчилсан төлөвлөгөө боловсруулах
- Мэргэжлийн удирдах чадвар эзэмших зэрэг боломжийг олж авна.
Цаашид уг сургалтыг тогтмол зохион байгуулж, ЖДҮҮ эрхлэгчдийг дэмжихээр төлөвлөж байна.
