Газар тариалангийн улирал эхэлж байгаатай холбогдуулан Засгийн газраас тогтоол гаргажээ. Тодруулбал, Газар тариалангийн тогтвортой хөгжлийг дэмжих зарим арга хэмжээний тухай тогтоолыг Засгийн газрын өнөөдрийн хуралдаанаар гаргасан байна.
Тогтоолын хүрээнд
үр тариа, тос тэжээлийн таримал, төмс, хүнсний ногоо, жимс, жимсгэнийн тариалалт, хүлэмжийн аж ахуй эрхлэгчдийн эргэлтийн болон тариалах талбай, хураан авах ургацын хэмжээг өсгөх хүн амын хүнсний үйлдвэрлэл нөөцийг нэмэгдүүлэх, хангамж үнийг тогтворжуулах зорилгоор 150 тэрбум төгрөгийн зээл олгохоор шийдвэрлэжээ.
Зээлийг нэг жилийн хугацаатай, гурван хувийн хүүтэй олгох юм байна. Зээлийн хүүгийн 13.5 тэрбум төгрөгийн зөрүүг төсөвт тусгахаар болжээ.
