DBS Bank нь Enterprise Singapore болон Infocomm Media Development Authority (IMDA)-тай хамтран “Spark GenAI” хөтөлбөрөө сайжруулснаа баасан гарагт зарлалаа. Энэхүү шинэчилсэн хувилбар нь жижиг, дунд бизнесүүдэд хиймэл оюун ухаан (AI)-ыг илүү хурдан, үр дүнтэй нэвтрүүлэхэд чиглэж байна.

Банкны мэдээлснээр уг хөтөлбөрийг бизнесүүдийн хэрэгцээ өөрчлөгдөж буйтай уялдуулан шат дараатай сайжруулсан бөгөөд илүү системтэй зөвлөгөө авах эрэлт нэмэгдэж байгааг харгалзан үзжээ. 2026 оны DBS-ийн судалгаагаар ЖДБ-үүдийн 39 хувь нь AI-ыг үйл ажиллагаандаа хэрхэн бодитоор ашиглах талаар мэргэжлийн зөвлөгөө хүсч байна. Энэ нь Сингапур улсын “National AI Strategy 2.0”-ийн хүрээнд AI нэвтрүүлэлтийг өргөжүүлэх зорилготой нийцэж байгаа юм.

Шинэ хөтөлбөр нь бизнесийн бэлэн байдал, хөгжлийн түвшинд тохирсон гурван шатлалтай бөгөөд оролцогчдод зөвлөх үйлчилгээ, сургалт, IMDA-гийн үнэгүй семинаруудыг санал болгоно. Мөн компаниуд IMDA-гийн Open Innovation Platform-оор дамжуулан дэлхийн 16,000 гаруй шийдэл нийлүүлэгчтэй холбогдох боломжтой болж байна. Урьдчилан батлагдсан AI шийдлүүдийг ашиглах тохиолдолд шаардлага хангасан компаниуд зардлынхаа 50 хүртэл хувьд буцалтгүй дэмжлэг авах боломжтой.

AI нэвтрүүлэлтийг санхүүжүүлэхийн тулд DBS банк кибер хамгаалалт зэрэг санхүүгийн багц шийдлүүдийг санал болгох бөгөөд улирал тутам AI-ийн чиг хандлага, бодит кейсүүдийн талаар арга хэмжээ зохион байгуулж, бизнесүүдийг мэдээллээр хангана.

DBS-ийн төлөөлөгчийн хэлснээр олон компани AI-ийг ашиглан бодит үнэ цэнэ бий болгох сонирхолтой байгаа ч хаанаас эхлэх, хэрхэн хэрэгжүүлэх талаар практик дэмжлэг хэрэгтэй байдаг. Харин IMDA болон Enterprise Singapore-ийн зүгээс энэ хамтын ажиллагаа нь бизнесүүдийг AI ойлголтоос бодит хэрэглээ рүү шилжих тодорхой, дэмжлэгтэй замаар хангана гэж онцолжээ.

Эх сурвалж : TN Global