Жил бүр зохион байгуулагддаг уул уурхай, металлурги, ашигт малтмалын салбарын мэргэжилтнүүдийн чуулга уулзалт болох SME Minnesota Conference энэ оны 4 дүгээр сарын 14-16-ны өдрүүдэд АНУ-ын Миннесота мужийн Дулут хотын Entertainment Convention Center-т болно.

Тус арга хэмжээнд уул уурхай, металлурги, ашигт малтмалын салбарын мэргэжилтнүүд оролцож, салбарын шинэ дэвшил, технологийн талаар хэлэлцэх юм. Бага хурлын хүрээнд 150 гаруй оролцогчтой томоохон үзэсгэлэн зохион байгуулагдаж, салбарын шинэ технологиудыг танилцуулна. Мөн техникийн хуралдаан, үндсэн илтгэлүүд нь уул уурхайн инновац, тогтвортой хөгжил, хүний нөөцийн хөгжлийн асуудалд төвлөрөх юм. Оролцогчдод зориулсан богино сургалтууд зохион байгуулагдаж, байгаль орчин болон боловсруулалтын чиглэлээр гүнзгий мэдлэг олгоно.

Үндсэн арга хэмжээ 4 дүгээр сарын 15-ны Лхагва гарагт зохион байгуулагдах бөгөөд үзэсгэлэнгийн танхим өглөөний 09:00 цагт нээгдэнэ. Нээлтийн үндсэн илтгэлийг АНУ-ын Геологийн албаны (USGS) Mapping Resources Initiative (Earth MRI)-ийн шинжлэх ухааны зохицуулагч Жэйми Жонс тавьж, Лейк Супериор бүс нутагт хийсэн судалгааны ажлаа танилцуулах юм. Тэрээр Earth MRI төслийн шинэ өгөгдлүүд нь газрын доорх болон газрын дээрх чухал ашигт малтмалын нөөцийг тодорхойлоход хэрхэн тусалж буй жишээнүүдийг танилцуулна.

Мөн үзэсгэлэн эхлэхээс өмнө уул уурхайн ёс зүйн сэдвээр хэлэлцүүлэг зохион байгуулагдана. Уг илтгэлийг 25 гаруй жилийн туршлагатай инженер, төслийн менежер Скотт Гишиа тавих бөгөөд байгаль орчны зохицуулалт, зөвшөөрөл, агаар, усны чанар, намгархаг газар болон уурхайн нөхөн сэргээлтийн чиглэлээр туршлагаасаа хуваалцах юм.

Бүртгэл болон үзэсгэлэнгийн бэлтгэл 4 дүгээр сарын 14-ний өглөөний 08:00 цагаас эхлэх бөгөөд тухайн өдрийн 12:30 цагаас богино сургалтууд, 17:00 цагаас нээлтийн хүлээн авалт зохион байгуулагдана.