ЖДҮҮ холбоо нь Монгол Улсын хэмжээнд жижиг, дунд үйлдвэрлэл (ЖДҮ) эрхлэгчдийг сайн дурын үндсэн дээр нэгтгэсэн, тэдний нийтлэг эрх ашгийг төлөөлөн хамгаалдаг хамгийн том төрийн бус байгууллага юм.
Үндсэн зорилго ба хэнд зориулагдсан бэ?
– Үйлдвэрлэл, үйлчилгээ, худалдааны салбарын бүх түвшний бизнес эрхлэгчид.
– ЖДҮ-ийн салбарын эрх зүйн орчныг сайжруулах, төр-хувийн хэвшлийн хэлэлцүүлэгийг өрнүүлэх, гишүүдийнхээ бараа бүтээгдэхүүнийг зах зээлд гаргахад дэмжлэг үзүүлэх.
www.masme.mn сайтаас жижиг, дунд үйлдвэрлэл үйлчилгээтэй холбоотой цаг үеийн болон үндэсний үйлдвэрлэгч, баялаг бүтээгч нарын мэдээ мэдээллийг цаг алдалгүй авах боломжтой юм.
Манай албан ёсны сайт нь бизнес эрхлэгчдэд зориулсан мэдээллийн нэгдсэн зангилаа бөгөөд дараах мэдээллийг авч болно.
– ЖДҮ-ийн салбарт тулгамдаж буй асуудлуудыг (татварын дарамт, зээлийн хүү, хүнд суртал) нэгтгэж, Төр болон Шийдвэр гаргагчдад дуу хоолойгоо хүргэх.
– ЖДҮ-ийн тухай хууль болон холбогдох бусад эрх зүйн актуудын тайлбар, бизнес эрхлэгчид хуулиар олгогдсон эрхээ хэрхэн эдлэх тухай.
– Холбоонд элсэх, гишүүн болсноор бизнесийн түншлэл тогтоох, сүлжээнд нэгдэх боломжууд.
– Олон улсын ижил төрлийн холбоодтой хамтарч туршлага судлах, гадаад үзэсгэлэн худалдаанд оролцох боломжууд.
“Монголын жижиг, дунд үйлдвэрлэл, үйлчилгээний холбоо”-ны Удирдах зөвлөлийн III хурал Гадаад харилцааны яамны “Зөвшилцөл” танхимд боллоо. Энэхүү хурлын үеэр тус холбооны албан ёсны вэб сайт болох www.masme.mn-ийг олон нийтэд танилцуулав.
“Чинээлэг дундаж давхаргатай Монголын төлөө” уриатайгаар ирэх 10 жилээ ажил хэрэгч байдлаар төлөвлөж буй тус холбооны хувьд цахим шилжилт хийж, албан ёсны вэб сайттай болсон нь гишүүн байгууллагуудын зах зээлийг тэлэх, мэдээллээр хангах чухал алхам болж байгааг Удирдах зөвлөлийн хурлын үеэр онцоллоо.
Цаг үеийн албаны үйл ажиллагаа
Одоогийн байдлаар тус холбоо (MASME) дараах асуудлуудад төвлөрч байна.
– Санхүүжилтийн эх үүсвэрийг ил тод, оновчтой хуваарилах тал дээр төрийн байгууллагуудтай зөвшилцөх.
– Гишүүн байгууллагуудын бүтээгдэхүүнийг олон улсын стандартад нийцүүлэх, гадаад зах зээлд гаргах “Нэг цонхны бодлого”.
– Бизнес эрхлэгчдэд ирж буй татварын ачааллыг бууруулах чиглэлээр хуулийн төсөлд санал хүргүүлэх.
