Нийслэлийн Жижиг, дунд үйлдвэр, үйлчилгээг дэмжих төв НӨҮГ, Нийслэлийн Бизнес инновац хөгжлийн газар, Голомт банк хамтран “DIGITAL SME 2023” арга хэмжээг зохион байгууллаа.

Арга хэмжээний зорилго

Энэ арга хэмжээ нь жижиг, дунд бизнес эрхлэгчдийн үйл ажиллагаанд технологийн дэвшил, цахим хэрэглээг нэвтрүүлж, үр ашгийг нэмэгдүүлэх, өртөг хэмнэх, цаг хугацаа хожих боломжийг бүрдүүлэх, мөн төр, хувийн хэвшлийн хамтын ажиллагааны бодит үр дүнг гаргахад чиглэж байна.

Гол илтгэлүүд

• “Нийслэлийн ЖДҮҮ салбарт дижитал шилжилт хийх хэрэгцээ шаардлага”
• “DIGITAL SME’s – дижитал систем хөгжүүлэх шийдэл”
  Мөн “TomYo EdTech”, “Зочил” платформын давуу тал, инновацын шийдлүүдийг танилцууллаа.

Илтгэгчдийн онцолсон санаа

• Г.Гангамөрөн, НЖДҮҮДТ-ийн дарга:
  Нийслэлийн хэмжээнд үйл ажиллагаа явуулж буй 678 мянган иргэн, 43 мянган ААН-ийн мэдээллийг цахим платформд нэгтгэн, нэг жилийн хугацаанд сегментчилнэ. Ингэснээр экспортод гарах боломжтой бүтээгдэхүүн, дижитал хэрэглээний чиглэл, хүний нөөцийг чадавхжуулах арга зам тодорхой болно. Үүний үр дүнд бизнес эрхлэгчид зээл авах, хөрөнгө оруулалт татах, шаардлагатай үйлчилгээгээ илүү хялбар авах боломж бүрдэнэ.
• Б.Бат-Өлзий, НБИХГ-ын дарга:
  Дижитал шилжилтийг том компаниуд амжилттай хийж байгаа ч ЖДҮҮ эрхлэгчид хөрөнгө, цаг хугацааны хүрэлцээгүйгээс хоцорч байна. Үүнийг шийдэхийн тулд мэдээллийн нэгдсэн сан бий болгох ажлыг эхлүүлжээ.
• А.Ганчимэг, Голомт банкны Байгууллага хөгжлийн газрын захирал:
  Голомт банк ЖДҮҮ эрхлэгчдийг зөвхөн бүтээгдэхүүн, үйлчилгээ төдийгүй менторшип хөтөлбөрөөр дэмжиж, тулгамдсан асуудлыг нь шийдвэрлэхэд тусалж байна. Цаашид өгөгдөлд суурилсан платформ хөгжүүлэхээр зорьж буйгаа онцоллоо.

Цаашдын чиглэл

“DIGITAL SME 2023” арга хэмжээг жил бүр уламжлал болгон зохион байгуулж, инновац шингэсэн бүтээгдэхүүнийг олон улсын зах зээлд гаргах, төрийн худалдан авалтаар дэмжих, ЖДҮ-ийн хамтын ажиллагааг өргөжүүлэхээр төлөвлөж байна. Мөн оролцогч талууд хамтран ажиллах Санамж бичиг байгууллаа.